എന്റെ മുഖത്തേയ്ക്ക് നോക്കാതിരിപ്പാന്‍
എന്നെ കമിഴ്ത്തിക്കിടത്തൂ ഉപ്പാ,
എന്റെ കാലുകള്‍ മുറുക്കിക്കെട്ടണം.
അത് പിടഞ്ഞു കൊണ്ടിരുന്നാല്‍
ഉപ്പയ്ക്ക് വിഷമമാവില്ലേ?
പിന്നെ കുറച്ച് ശ്രദ്ധിക്കണേ,
വെട്ടുകത്തി കഴുത്തിലമര്‍ത്തുമ്പോള്‍
എന്റെ ഉടുപ്പുകളില്‍ ചോരയൊന്നും പുരളരുത്.
അവ മടക്കിയെടുത്ത്
പാതയുടെ അറ്റം വരെ
നാമൊരുമിച്ചായിരുന്നു എന്നതിനുള്ള തെളിവായി
ഉമ്മയ്ക്കു കൊടുക്കണം.
ഉമ്മയോട് ഞാന്‍ തരിശ്ശുനിലത്തെ മണലില്‍
മുട്ടുകുത്തി പ്രാര്‍ഥിക്കുകയായിരുന്നെന്നും
പെട്ടെന്ന് ആകാശത്ത്
രണ്ട് ദൈവദൂതികമാര്‍ പ്രത്യക്ഷപ്പെട്ടെന്നും
എന്നോട് ഉടുപുടവകളഴിച്ച്
ആകാശത്തേയ്ക്കുയര്‍ന്നു ചെല്ലാന്‍ ആവശ്യപ്പെട്ടെന്നും
നുണ പറയണം...
എന്റെ ചോര
ഉമ്മ ഒരിക്കലും കാണാനിടവരരുതേ ഉപ്പാ.....
No comments:
Post a Comment