ഉടുപ്പും കൊട്ടും
അണിയലുമൊരുങ്ങലും
പീലിയും തൊങ്ങലും
ഓരോ നാട്ടിന്നും ഓരോന്ന്.
കെട്ടുകാഴ്ചകളുടെ
നിറവിന്യസങ്ങള്‍ക്കൊത്ത്
നാം വേറെവെറെയാള്‍ക്കാരായി.
ബന്ധുത്വമറ്റവരായി,
അന്യരായി.
മുഖോം മുഖമൂടികളും മാറും.
ദുസ്വാമര്‍ഥ്യങ്ങളുടെ
രൂപോം ഭാവോം മാറും.
പക്ഷെ നേരിനെ നോക്കൂ
സത്യത്തെ നോക്കൂ,
ലാളിത്യത്തെയും മര്യാദയെയും നോക്കൂ,
സ്‌നേഹത്തെയും ശാന്തതയെയും നോക്കൂ,
ഏതു കാലത്തും ഏതു സ്ഥലത്തും അതൊന്ന്.
ചരിത്ര പുസ്തകത്തിന്റെ അലേകകളില്‍
പ്രജാപതിമാര്‍ക്കേ വേഷപ്പകര്‍ച്ചകളുള്ളു.
ബുദ്ധന്‍മാര്‍ക്കെന്നുമെവിടെയും
ഒരേ വസ്ത്രം ,
നഗ്നത.
ഒരേ ഭാഷ മൗനം.
No comments:
Post a Comment