16-Feb-2008

പ്രളയം


നമുക്കിടയില്‍ ‍

ഒരു പ്രളയമുണ്ടായി.

പാളം തകര്‍ന്നു.

നിരത്തും നടവഴികളും

ഒലിച്ചുപോയി.

മലയിടിഞ്ഞ്‌

കാഴ്ച മറഞ്ഞു.

നീയിക്കരക്കാരിയും

ഞാനക്കരക്കാരനുമായി.

നിന്റെ നീട്ടലുള്ള

ഭാഷയ്ക്ക്‌

എന്റെ കുറുകിയ

വാക്കുകള്‍

കേട്ടാല്‍ തിരിയാത്തതായി.

നിന്റെ രുചികള്‍

എന്റെ ദഹനക്കേടായി.

എന്നിട്ടും നമുക്കിടയിലിപ്പോഴും

ഒഴുക്കുകള്‍കൊണ്ടക്കരയേയു-

മിക്കരയേയും

കൂട്ടിയിണക്കുന്ന ജലം.

4 comments:

വല്യമ്മായി said...

അര്‍ത്ഥവത്തായ വരികള്‍

..::വഴിപോക്കന്‍[Vazhipokkan] said...

:)

മനസ്സൊന്നു തണുത്തു വായിച്ചു കഴിഞ്ഞപ്പോള്‍
ഭാവുകങ്ങള്‍

വിശാഖ് ശങ്കര്‍ said...

മനോഹരമായി, രണ്ടുകരകള്‍ തമ്മിലുള്ള ഈ നിശബ്ദ ഗതാഗതം...
അഭിനന്ദനങ്ങള്‍.

ഉഷാകുമാരി.ജി. said...

ജയദേവന് എല്ലാ ആസംസകളും! തുടര്‍ച്ചയായി എഴുതൂ...