08-Jun-2013

എന്നെയും മഴയാക്കൂ




മഴേ, നിന്നെപ്പോലെ- 
പ്പെയ്യാനായിരുന്നെങ്കില്‍, 
വരണ്ട വിചാരങ്ങള്‍
തളിര്‍പ്പിക്കാനായിരുന്നെങ്കില്‍, 
വെള്ളം മുക്കിത്തേവി
നനയ്ക്കാനായിരുന്നെങ്കില്‍, 
നിറയ്ക്കാനായിരുന്നെങ്കി-
ലെല്ലാ ആഴങ്ങളും....

മഴേ, നിന്നേപ്പോലെ 
മിന്നലും ചുഴയറ്റിയീ-
യനന്ത വിഹായസ്സില്‍ 
തുടി ശംഖഘന നാദം 
മുഴക്കി ഘോഷമായ്‌പ്പോകാ-
നെഡോ, എനിക്കും കൊതി.

മഴേ, നിന്നെ ക്കാത്തു 
നില്‍ക്കുമ്പോലെന്നെയും കാത്തു 
നില്‍ക്കണം സ്ഥലകാല-
സ്സൂക്ഷ്മസ്ഥൂല ചരാചര-
മെങ്കില്‍ ഞാനെന്തു ചെയ്യണ-
മെന്നെന്നെ പഠിപ്പിക്കൂ...

No comments: