11-Nov-2013

കൊളുത്ത്



പലനിറം മിട്ടായികള്‍ അറ്റത്ത് കോര്‍ത്ത 
ചൂണ്ടക്കൊളുത്തുകള്‍ 
തമ്മില്‍ത്തല്ലുകയോ 
രഹസ്യച്ചാറ്റില്‍ മുഴുകുകയോ ചെയ്ത 
അമ്മേടേമച്ഛന്റേം ഒക്കത്തു നിന്ന് 
എല്ലാ അത്ഭുതങ്ങളുടെ നേരേം 
വാതുറന്നു പിടിച്ചിരുന്ന കുഞ്ഞുപിള്ളാരെ നോക്കി 
വാ വാ.. വന്നു കൊത്ത് 
എന്നു പ്രലോഭിപ്പിച്ചോണ്ടിരുന്നു. 
നീന്തിനീന്തിച്ചെന്ന് പിള്ളാരതു വിഴുങ്ങി, 
അമേരിക്കയിലോ ഇംഗ്ലണ്ടിലോ ഇരുന്ന് 
മീന്‍പിടുത്തക്കാരന്‍ സായിപ്പ് ടപ്പേന്നു കയറു വലിച്ചു. 
ഷേര്‍മാര്‍ത്തറ്റില്‍ നിലവാരസൂചി 
റോക്കറ്റുകുതിപ്പു കുതിച്ചതുകണ്ട് അപ്പനുമമ്മേം
എന്റീശോയെന്ന്
മെഴുകുതിരി കത്തിച്ചു കുരിശു വരച്ചു..

No comments: