25-Sep-2012

കാലാന്തരം



ഒരിക്കല്‍ തപം ചെയ്ത 
മരത്തിന്‍ മണമുണ്ടാകും 
ഒരിക്കല്‍ നിന്റെ പൂക്കള്‍ക്ക് 
ഇലയ്ക്ക് ആത്മാവിന്ന്. 
ഒരിക്കലേതു വൃക്ഷത്തിന്‍ 
പോടില്‍ നീ കൂടു കൂട്ടിയോ 
പിന്നൊരിക്കലതിന്‍വേരു 
കുടിക്കും നിന്നാന്തരം ജലം. 
ഒരിക്കല്‍ നായാടാനാ
യയച്ച വാക്കിന്‍മുന 
കാലദൂരങ്ങള്‍ചുറ്റി
ക്കറങ്ങിത്തിരിച്ചെത്തി
ത്തറയ്ക്കും നിന്‍ നെറ്റിക്കണ്ണില്‍. 
ഒരിക്കലുരഞ്ഞുരഞ്ഞു-
യിര്‍പ്പിച്ച തീത്തുള്ളിയാ-
ണൊരിക്കല്‍വിഹായസ്സില്‍ 
നീയെന്ന വാല്‍നക്ഷത്രം.

No comments: