10-Feb-2013

പ്രതിയോഗികള്‍






ജീവിതത്തിന്റെ പക്കല്‍ 
ധാരാളം സാമര്‍ഥ്യങ്ങളുണ്ട,് 
ധാരാളം വഴികളുണ്ട് 
പോകാനും എത്താനും. 
മരണത്തിനോ 
ദുസ്വാമര്‍ഥ്യങ്ങളൊന്നുമില്ല, 

ജീവിതമൊരിക്കലും
പ്രതീക്ഷിക്കും പോലെ പെരുമാറില്ല. 
ഒരിക്കലും 
നേരെ ചൊവ്വേ ആയിരിക്കില്ല, 
പറയുന്നതിന്റെ അര്‍ഥം 
കേള്‍ക്കപ്പെടണമെന്ന് 
വാശിപിടിക്കില്ല. 

മരണമോ കൃത്യമാണ്, 
സൂക്ഷ്മമാണ്, 
നേര്‍രേഖയിലുള്ള നടത്തമാണ്. 
പറഞ്ഞിട്ടില്ലെങ്കിലും 
തെറ്റാതെ കേള്‍വിപ്പെടുന്ന 
അര്‍ഥശാഠ്യമാണ്. 

ജീവിതം അസമത്വങ്ങള്‍ സൃഷ്ടിക്കുന്നു, 
മരണം സമത്വവും.


No comments: