ജീവിത,മാദ്യമേതേതും
ജലത്തില് തുടങ്ങുന്നു.
ഒരു വെള്ളക്കുമിളയില്,
ഒഴുക്കില്, സമുദ്രത്തില്,
മിട്ടിലോ മീനോ ആയി.
മത്തിയോ മാന്തയോ ആയി.
ആമയോ തവളോ പോലെ
കരയിലേയ്ക്കെത്തിനോക്കുന്നു.
ഉരഗമായിഴയുന്നു.
പറന്നു പക്ഷിയാകുന്നു.
പറത്തം തളരുമ്പോള്
നാല്ക്കാലിലിരുകാലി-
ലലങ്ങിങ്ങലയുന്നു.
ഇരുത്തമുറയ്ക്കുമ്പോള്
വേരിട്ടു വൃക്ഷമാകുന്നു.
ജലത്തിസ്തമിക്കുന്നു
ജീവിതമേതുമന്ത്യത്തില്.
No comments:
Post a Comment