15-Sep-2013

അത്രമാത്രം



അല്ലയോ മാലൂംക്യ പുത്താ, 
ഒരാള്‍ അമ്പേറ്റ് ചോരവാര്‍ന്ന് കിടക്കുന്നു. 
നിങ്ങളയാളെ രക്ഷിക്കാന്‍ ഓടിച്ചെല്ലുന്നു. 
അയാള്‍ നിങ്ങളോട് 
ആരെന്നെ അമ്പയച്ചു 
ആ അമ്പെവിടെ ഏതു കാരണം കൊണ്ടയാള്‍ 
എനിക്കു നേരെ അമ്പയച്ചു ?,
ആ ആളെവിടെ?, 
അതൊക്കെ കണ്ടുപിടിക്കൂ, 
എന്നിട്ടു മാത്രം മതി എന്നെ പരിചരിക്കുന്നത് 
എന്നു പറയുന്നുവെങ്കില്‍ എന്തു സംഭവിക്കും...

നിങ്ങളും അതുതന്നെ ചെയ്യുന്നു. 
എന്റെയാത്മാവിന്റെയും
ജന്മത്തിന്റെയും കാരണമെന്ത് ?
അതിന്റെ ഇന്നലെകളെന്ത് ?
അതെങ്ങോട്ടും പോകുന്നു ?
അതെവിടെയെത്തിച്ചേരും? 
അതൊക്കെ വിശദീകരിച്ചുട്ടു മതി 
എന്നെ ചികിത്സിക്കുന്നത് എന്നു പറയുമ്പോള്‍. 

ബോധിസത്വനോ അതിനൊന്നും ഉത്തരമില്ല. 
ബോധി സത്വന്‍ ഒരു നാട്ടുചികിത്സകന്‍. 
ബോധ്യത്തിന്റെ ഇത്തിരിയിലച്ചാറുമുറിവായിലിറ്റിച്ച് 
നിങ്ങളുടെ വേദന കുറയ്ക്കാന്‍ നോക്കുന്നു 
അത്രമാത്രം.


No comments: