ഓങ്കാരധ്യാനം പോലെ
നാദബ്രഹ്മോപാസന പോലെ
കുണ്ഡലിനീ പൂജപോലെ
സാധ്യം,
ശാന്തിദായകം
മുറ്റമടിക്കല് ധ്യാനം,
അരീല് കാട്ടം പെറുക്കല്,
പായസത്തിന് തേങ്ങാ ചിരവല് ധ്യാനം
കുഞ്ഞിവാവയെക്കളിപ്പിക്കല് ധ്യാനം
പുയ്യാപ്ലയോടോ പൊണ്ടാട്ടിയോടോ
കിന്നാരം പറയല് ധ്യാനം,
ആരെങ്കിലും
ഇത്തിരിനേരം വൈകിപ്പോയതിനോ
കടംവാങ്ങിയത്
തിരിച്ചുകൊടുക്കാന് പറ്റാതിരുന്നതിനോ
ചീത്തപറയുന്നത് കേള്ക്കല് ധ്യാനം...
No comments:
Post a Comment