16-Apr-2013

നഷ്ടങ്ങള്‍



ഒന്നാമന്‍:
ചില ചെറിയ നഷ്ടപ്പെടടിലൂടെ
ചിലപ്പോള്‍ വലിയ തകര്‍ച്ചകളുണ്ടാകുന്നു, അല്ലേ?

രണ്ടാമന്‍:
ശരിയാണ്,
 ടാങ്കിന്റെയടിലെ സൂചിത്തുളയിലൂടെ 
ഉള്ളിലെ ജലം മുഴുവന്‍ ചോര്‍ന്നു പോകും പോലെ.

ഒന്നാമന്‍:
ഒരു താക്കോല്‍ കാണാതാവല്‍. 
ഒരഡ്രസ്സോ ഫോണ്‍ നമ്പറോ എഴുതി സൂക്ഷിച്ച 
ഒരു തുണ്ടു കടലാസ്സ ്കളഞ്ഞു പോവല്‍, 

രണ്ടാമന്‍:
പഴയൊരോര്‍മ്മ ചില്ലിട്ടു സൂക്ഷിച്ച 
ബ്ലാക്ക് ആന്റ് വൈറ്റ് ഫോട്ടോ 
ചിതലരിച്ചുപോകല്‍,
ഇപ്പഴില്ലാത്ത അമ്മയുടെ അച്ഛന്റെയോ 
കൊച്ചനിയത്തിയുടെയോ മുഖം 
മനസ്സില്‍നിന്ന് എത്രമുങ്ങിയാലും 
കിട്ടാത്തത്ര ആഴത്തിലേയ്ക്കാണ്ടു പോകല്‍...


മൂന്നാമന്‍:
കൈവെള്ളയില്‍ കോരിയെടുത്ത വെള്ളം പോലെ 
ജീവിതം പൂര്‍ണമായും ചോര്‍ന്നു പോകുന്നു അപ്പോള്‍...

No comments: