കാട്ടില്പ്പലപല വാരിക്കുഴികളില്
വീണു കിടക്കും നമ്മെക്കയറാല്
ക്കെട്ടി വലിച്ചും കാലില്ച്ചങ്ങല
ചുറ്റി വരിഞ്ഞും തീപ്പൊള്ളിച്ചും
കുന്തം കൊണ്ടും ചൂരലു കൊണ്ടും
ആണി തറച്ചും ഭേദ്യം ചെയ്തും
പട്ടിണിയിട്ടും ദാഹിപ്പിച്ചും
കാലം നമ്മെ വഴക്കി മെരുക്കി-
യൊടുക്കം നെറ്റിപ്പട്ടം കെട്ടി
ച്ചുമലില്ത്തേവരെയേറ്റിയിരുത്തി-
ത്തീവെയിലത്തെയനങ്ങാപ്പാറ
കണക്കൊരു നില്പില്
ക്കൊണ്ടു നിറുത്തി,
കാലം നമ്മെ നടയ്ക്കലിരുത്തീ...
No comments:
Post a Comment