12-Mar-2013

അഞ്ചര വയസ്സുള്ള കുട്ടി



അഞ്ചരവയസ്സുള്ള കുട്ടി 
നേരത്തെ ഉറക്കമുണര്‍ന്ന് 
കുളിയും പല്ലുതേപ്പുമൊക്കെ കഴിഞ്ഞ് 
സ്‌ക്കൂള്‍ ബാഗില്‍ 
രണ്ടു സെറ്റ് ഉടുപ്പ്, 
ഒരു തോര്‍ത്തുമുണ്ട്, 
മ്‌മ്മേം പപ്പേം താനും കൂടി നില്‍ക്കുന്ന 
നിറയെ സന്തോഷത്തിന്റേം ചിരിയുടേം 
കാലത്തെടുത്ത ഒരു ഫോട്ടോ, 
കഴിഞ്ഞ പിറന്നാളിന് 
കൂട്ടുകാരി കൊടുത്ത കഥാ പുസ്തകം,
മേരിയ എന്ന വിളിപ്പേരുള്ള പാവക്കുട്ടി, 
ഇവയെടുത്തു വെച്ച്, 
ആരെയും ഉണര്‍ത്താത്ത വിധം 
പതിഞ്ഞ ശബ്ദത്തില്‍ നടന്ന്, 
വാതില്‍ തുറന്ന്, ഗെയിറ്റ് തുറന്ന്, 
റയില്‍വേ ക്രോസും 
പ്രധാന നിരത്തും മുറിച്ചു കടന്ന്, 
ഇറങ്ങിയിറങ്ങിപ്പോകുന്ന 
ഒരൂടുവഴിയിലൂടെ തെറ്റി നടന്ന,് 
പിന്നെയാര്‍ക്കും 
തിരഞ്ഞു കണ്ടെത്താനാവാഞ്ഞ വിധം
മയഞ്ഞു മയഞ്ഞു പോയി....


കവിതയുടെ പേരിന് പഴയൊരു മുകുന്ദന്‍കഥയോട് കടപ്പാട്‌


No comments: