29 Mar 2013

അലക്ക്



ഒറ്റയാഴ്ചത്തെ വിയര്‍പ്പും വിഴുപ്പു-
മലക്കി വെളുപ്പിക്കുമ്പോഴേയ്ക്ക് 
കൈ കുഴയുന്നു. 
നടുവൊടിയുന്നു. 

ഹൊ, സമ്മതിക്കണം,  കാലപുരുഷനെ- 
അതോ കാലസ്ത്രീയോ, 
സ്ത്രീയാവാനാണിട, 
നാണിമണ്ണാത്തിയെപ്പോലെ-
നിത്യേന എത്ര ജീവിതങ്ങളുടെ ചോര. ചലം, 
നീര്‍ക്കെട്ടിന്‍ കറ, 
മൂത്രം, മലം, പാപം, ദുഖം, 
ആര്‍ത്തി, ആസക്തി 
കുത്തിപ്പിഴിഞ്ഞലക്കിയുണക്കി,
ഒന്നു നടുനീര്‍ത്തുക പോലും ചെയ്യാതെ...

No comments: