18 Nov 2012

പ്രണയവും ഒരു തടവറയാണ്


വീട് ഒരു തവവറയാണ്. 
സ്‌ക്കൂള്‍, ക്ലാസ്മുറി, ജാതി,മതം പാര്‍ട്ടി,
സാമ്പാറിനോട് 
മുളകരച്ചമത്തിക്കറിയോട് 
നുണക്കുഴിയുള്ളപെണ്‍കുട്ടികളോട് 
ഒക്കെ തോനുന്ന പ്രത്യേ ഇഷ്ടം ഓരോ തടവറകളാണ്. 
ചിലകെണികള്‍ പുറത്തിരിക്കുവോളവും 
വാതില്‍ തവളവായ് പോലെ തുറന്നിടുകയും 
അകപ്പെട്ടുകഴിഞ്ഞാല്‍ 
പെട്ടന്നടഞ്ഞ് 
ഒരു തടവറയാവുകയും ചെയ്യും! 

ഒരാളെപ്രതിയുള്ള പ്രണയം 
അങ്ങനെയൊരു തടവറയാണ്. 
അതില്‍ ആയിക്കഴിഞ്ഞാല്‍ 
അതീതവന്‍കരകള്‍ തേടിയുള്ള സഞ്ചാരമില്ല, 
ആകാശങ്ങളില്ല, 
കടലുകളോ ആഴങ്ങളോ ഇല്ല.  
ഓര്‍ഫ്യൂസ് പില്‍ക്കാലം എങ്ങനെ കഴിച്ചുകൂട്ടി! 
എത്ര വേദനിച്ചു!
നാല്‍പ്പത്തഞ്ചാം വയസ്സില്‍ 
പാറുവമ്മ കാന്‍സര്‍വന്നുമരിച്ചപ്പോള്‍ 
പിന്നീടുള്ള പത്തുമുപ്പത്തഞ്ചുകൊല്ലം 
കുട്ടപ്പനായര്‍ എങ്ങനെ കഴിച്ചു കൂട്ടി!
ഒരുകാലത്ത് നല്ലവായക്കാരനായിരുന്ന അങ്ങോര്‍ 
മരിക്കുന്നതിന് മുമ്പ് എന്നോടു പറഞ്ഞു. 
മോനെ. അവളെനിക്കൊരു തടവുമുറിയായിരുന്നു 
എനിക്കവളില്‍ നിന്ന് എത്ര ശ്രമിച്ചിട്ടും 
പുറത്തുകടക്കാന്‍ ആയില്ല എന്ന്...
കള്ളമാവില്ല, മരിക്കാന്‍പോകുമ്പോള്‍ 
മനുഷ്യര്‍ കള്ളം പറയില്ല,


No comments: