20-Nov-2012

ചിരിയും കുലുക്കവും




മോറിഷോ പോകുന്നവഴിയില്‍ 
ഒരു പൂമരം നിന്നു.  
പൂമരത്തിനു ചുവട്ടില്‍ എത്തിയാല്‍ 
എന്നും പതിവുപോലെ 
മോറിഷോ ചോദിക്കും 
നീയെന്താണെന്നും 
ഇവിടെത്തന്നെ നില്‍ക്കുന്നത്, 
അപ്പോള്‍ പൂമരം 
ഉത്തരംപറയുന്നതിനു പകരം 
മോറിഷോയോടുചോദിക്കും 
നീയെന്താണെന്നും 
ഒരിടത്തോയ്ക്കുതന്നെ പോകുന്നത്. 
മോറിഷോ ഒന്നു ചിരിക്കും 
പൂമരം അനവധിപൂക്കള്‍ 
താഴേയ്ക്കുതിരുമാറ് 
ഒന്നു കുലുങ്ങും.


No comments: